ما هو اضراب التوحد؟/الهرم المصرى نيوز

 

بسم الله الرحمن الرحيم              

   بقلم / فتحي الصاوي

                   

  الـــجـزء الــعـاشـر

نتقابل على الساعه ١٢تمام قلتله اللى انت عاوزه وصلنا عند الشركه وطبعا كانت مقفوله جاسر بينزل من العربيه قالى بفزع وخوف مراد بص كده ببص لقيت  ••••

لقيت نور الشركه منور ف الدور التالت ومكتبى شباكه مفتوح طلعت جرى على فوق انا وجاسر وكان موظف الامن قاعد تحت طلع ورانا جاسر بيساله بيقوله مين اللى فوق قاله مفيش حد فوق كله مشي يابشمهندس من بدرى قاله والنور منور فوق ازاى قاله كل حاجه متمم عليها طلعنا فعلا لقينا النور مطفى والمكتب مقفول ومفيش اى حاجه من اللى شفتها تحت انا وجاسر بقول لجاسر ومال ايه اللى شفناه ده قالى مش عارف رحت منزل موظف الامن وقعدت انا وجاسر شويه وخليت جاسر يروح ونتقابل ف ميعادنا وانا هقعد ف الشركه واول ماجاسر مشي لقيت النور راح طافى ورجع تانى على طول كنت انا قاعد على كنبه قصاد المكتب وببص لقيت كرسي المكتب بيتحرك وبيلف ومفيش حد عليه اصلا ولقيت صوت بيقلى ازيك يامراد ركبت دماغك واتحديت الجن بقوله انت مين وانت فين اصلا قالى انا مين دى اجابتها هتعرفها بعدين وانا فين دى انا قصادك اهو قلتله وعاوز منى ايه قالى عاوز منك كتير وكتير اووووووى عاوز منك اللى عمرك متتخيله يامراد قلتله مانا عاوز افهم انتى مين وياترى اللى عاوزه منى خير ولا شر مانا قلتلك يامراد اللى عاوزه هتعرفه بعدين بس قلى الصور عجبتك اللى شفتها بقله صور ايه قالى صور ابوك واصحابه ولانسيتها قلتله وانت عرفت منين

عرفت منين ازاى وانا من ساعه مارجلك داست على ارض صفوان وانا معاك معايا معايا ازاى وليه 

من غير ليه يامراد فاكر الهيكل اللى قرب منك وقالك متخفش هو انا وزى مانا عاوز منك انت هتعوز منى بس خد بالك العهد بينى وبينك بس مفيش مخلوق يعرفه ولاحتى الشيخ علام او جاسر لان وقتها مش هعرف احميك 

تحمينى ازاى وانت اصلا منهم لا انا مش منهم انا موجود عشان احميك وعندك اكتر من دليل واولهم الحادثه اللى كنت هتعملها وانت خارج من الارض انا اللى قدرت اوقف العربيه لانك لو كنت وقعت كنت مش هتطلع تانى لان كان فيه جن مامور من غضرفان انه يسحبك ويخفيك وجثتك متظهرش لمخلوق بقله ياااااه ماهو يقدر يعمل فيا اى حاجه هو منتظر اذن مثلا 

ميقدرش يامراد ياذيك لان فيه عهد من زمان انه مياذيش حد من دمك واللى واخد العهد ده مين 

قلتلك يامراد كل حاجه ف وقتها بس خد بالك غضرفان صبره طويل وهو بلغ باللى انت هتعمله ومنتظر الرد يتبعد عن الارض ياما هياذيك وكل اللى شوفته ده هيحصل لو راحله الرد انك مش هتبعد قلتله وانت مين اللى خلاك تحمينى قالى اللى خلانى احميك هتعرف بعدين ويالا قوم ميعادك قرب وزى ماقلتك مفيش مخلوق يعلم باللى دار بينى وبينك لان وقتها واختفى الصوت حسيت وقتها انى بحلم او كان بيتهيقلى رحت سارح شويه ف اللى بيحصل وايه علاقه ابويا بصفوان وعلاقه امى بشريك ابويا دماغى بدات تتعب والصداع زاد ف دماغى لحد مالقيت التليفون بيرن كان جاسر بيقلى يالا الساعه ١٢.٢٠ انت فين قلتله ف الشركه لسه قالى انا عموما تحت منتظرك رحت قافل معاه ونزلت من الشركه 

لقيته تحت فعلا رحنا راكبين العربيه واتحركنا على المدافن وصلنا هناك وقفنا شويه لقيت الشيخ علام جاى رحنا نازلين من العربيه واول ماقربنا منه لقيته بيقلى كويس جيت ف ميعادك تعالو ورح ماشي قصادنا لقيناه راح نازل قبر مفتوح اتسمرت ف مكانى انا وجاسر قلنا انزلو متخافوش رحت نازل الاول وجاسر ورا منى وخايفين اصلا ومرعوبين واول مادخلنا لقينا مدفن باين انه جديد محدش اتدفن فيه او مدفن بيتوضب لقينا الشيخ علام قايلى قلى على اللى عندك رحت حكيله على وجدى غنيمى ووريته الفيديو اللى صوره جاسر لقيت وشه اتقلب ويدا يقول كلام غريب وبدا شكله يتغير لحد ماهدى خالص وفضل يستعيذ بالله 

فيه ايه ياشيخ علام قالى فيه كتير يامراد انت نهايتك المكتوبه الموت اللى ظهرلك ده غضرفان وده مادام ظهر نهايتك قبل الموت الجحيم رحت بدات احكيله انى شفت وجدى غنيمى ولاكانه يعرفنى وحكيتله على اللى دار بينى وبين ابويا ورحت مطلعله الصور من التلفون والفيديو اللى صورته لابويا وبتكلم معاه سمعت صوت خطوات بتقرب من المقبره والصوت يروح ويرجع تانى وهو يقولنا متقلقوش دى طبيعه المكان اللى احنا فيه متخافوش ولقيته بيقلى عجل انك تروح الارض ولسه بقله ليه لقيت خارج من الارض جثث وبتحاوطنا والشيخ علام كل اللى بيقوله متتحركوش والجثث حوالينا وانا وجاسر ميتين من الرعب وفعلا الجثث مقربتش مننا وبداو يرجعوا تانى لاماكنهم اللى خرجوا منها ولقيت الست اللى ظهرتلى انا وجاسر مع بناتها طلعوا بس مرجعوش مكانهم وقفت قصادى والدم مغرق وشها وعنيها مبرقه انا كنت هموت لقيتها راحت فاتحه بوقها وصرخت وقالت الجحيم الجحيم وراحت خارجه بره المقبره وبناتها معاها كل ده وانا خلاص حرفيا بموت وجاسر متنح وفاتح بوقه والشيخ علام بيقلنا متخافوش خلاص ده ميعادهم اللى خارجين فيه ساعه الشر بلغتهم قلتله شر اكتر من اللى احنا فيه قالى المهم عجل تروح الارض وهكون معاك وبعد منرجع لازم 

اشوف ابوك لان ابوك وراء سر خطير ولازم تعرفه عشان تخرج من اللى انت فيه قلتله حاضر وافتكرت الصوت اللى كان بيكلمنى والمفروض انى مقلش لانه ماكد عليا مجبش سيره لحد وخصوصا للشيخ علام وجاسر لقيت الشيخ علام بيقلى فيه حاجه تانى قلتله لا قالى مال سرحت ليه هو قالك متقليش ولاايه 

اقلك ايه وانت عرفت منين ضحك ورد قالى انا مش هغصبك تقول لانى عارف بس احذر ليكون فخ ومنصوب عشان متقدرش تخرج من اللى انت فيه احذر يامراد واتصل بصفوان قله انك عاوز تروح الارض ومعاك مهندس استشارى عشان يشوف الارض وخد بالك متلحش عليه ولو قلك انا مش فاضى قله انا هروح اعمل معاينه بس وهنرجع على طول قلتله بس الطريق لهناك خطر لو احنا لوحدنا وممكن منرجعش قالى خليه يبعتلك عربيه من المعروفين للطريق عشان الامان وياريت يكون بكره ف الليل نتحرك عشان اشوف الارض ف الوقت اللى بتقول عليه وبيظهر فيها الجن والعفاريت قلتله ماشي راح خارج من المقبره واحنا وراه لحد العربيه وراح موصلنا ومشي وانا وجاسر ركبناالعربيه بس امنت على الشنطه ليكون حد فيها واتحركت بالعربيه وروحت 

ونزلت جاسر عند الشركه اخد عربيته وصلت البيت لقيت ميرڤت مراتى صاحيه وباين عليها القلق ايه مالك فيكى ايه وايه الى منيم الولاد هنا 

قلتلى مفيش بس فيه حاجات غريبه بتحصل مش عارفه بقلها في ايه قالتلى من ساعتين لقيتك داخل ولاسلمت عليا ولااى حاجه ناديت عليك مردتش طلعت على الاوضه فوق طلعت وراك لقيتك داخل اوضه الولاد دخلت وراك ملقتكش قلبت عليك الاوضه ملقكش اثر قلت بيتهيالى خرجت لقيتك باصصلى عند الاوضه بتاعتنا وسبتنى ورحت داخل الاوضه دخلت وراك لقيتك اخدت هدوم النوم ودخلت الحمام رحت داخله وراك ملقتش ليك اثر رحت خارجه على الاوضه وسمعت صوتك وانت بتكح وشويه القيك بتغنى ومالكش اثر

رحت جايبه العيال ونزلت هنا لحد مانت مجيت ولسه هقلها انا طالع اشوف فيه ايه فوق لقيت نفسي نازل من فوق ومعايا •••

#يتبع 

 بقلم / فتحى الصاوي